Январ ойида қанча ўзбекистонлик янги пенсия олди?

Ўзбекистон Пенсия жамғармаси 2025 йил январ ойида нечта фуқарога янги пенсия тайинлангани ҳақида маълумот берди.

Расмий маълумотларга кўра, 1-февраль ҳолатига кўра, жами 26 365 нафар фуқарога янги пенсия тайинланган.

Шундан:
Ёшга доир пенсия – 19 998 киши;
Ногиронлик бўйича пенсия – 4 558 киши;
Боқувчисини йўқотганлар учун пенсия – 1 809 та оила.

Шунингдек, 1-мартдан бошлаб Ўзбекистонда пенсия тайинлаш тартиби ўзгаради. Энди пенсия ёшига етган фуқароларга ҳужжатлар топшириш талаб этилмасдан, автоматик равишда пенсия тайинланади.

Бундан ташқари, фуқаролар ўз хоҳишига кўра пенсия олишни кечиктириш ёки тайинланган пенсия миқдоридан норози бўлса, уни автоматик тайинлаш жараёнини тўхтатиш ҳуқуқига эга бўлади. “Замин” янгиликларини “Telegram”да кузатиб боринг