Наманганда хонадон 3,2 млрд сўмлик электрни ўғирлагани аниқланди

Наманган шаҳрида кўп миқдордаги электрдан ноқонуний фойдаланиш ҳолатига чек қўйилди, деб “Ҳудудий электр тармоқлари” матбуот хизмати хабар берди.

Рейд тадбирлари давомида шаҳардаги “Гулпора” МФЙ ҳудудида фуқаро A.О.га тегишли хонадоннинг электр энергиясидан фойдаланиши текширилди. Натижада фуқаро электрдан ҳисоблагичдан ташқари фойдаланиб келаётгани аниқланди. Хонадон белгиланган тартибда электр таъминотидан узиб қўйилди.

Ҳисоб-китобларга кўра, фуқаро 3,2 миллиард сўмлик электр энергиясини ноқонуний ишлатган. Ҳолат бўйича тўпланган ҳужжатлар ҳуқуқни муҳофаза қилувчи органларга юборилди. “Замин” янгиликларини “Telegram”да кузатиб боринг