Наврўз байрами муносабати билан қўшимча дам олиш куни берилмайди, деб ҳуқуқшунос Хушнудбек Худойбердиев Telegram-саҳифасида хабар берди. Унинг таъкидлашича, 2025 йил учун қўшимча дам олиш кунлари ҳақида ҳеч қандай расмий ҳужжат қабул қилинмаган.
Жорий йилда Наврўз байрамида дам олиш куни қуйидагича:
21 март (жума) – расмий байрам, ҳамма учун дам олиш куни
22 март (шанба) – 5 кунлик иш графиги учун дам олиш, 6 кунлик иш графиги учун иш куни
23 март (якшанба) – одатий дам олиш куни
Яъни, фақат 21 март умумий дам олиш куни бўлади, қўшимча ҳеч қандай ўзгаришлар кутилмаяпти.
Хушнудбек Худойбердиев, шунингдек, баъзи нашрлар ва блогерлар "Расман. Наврўз байрамида қўшимча дам олиш куни белгиланди" деган хабарлар тарқатаётганини таъкидлаб, бу маълумотларни тасдиқловчи ҳеч қандай расмий ҳужжат йўқлигини билдирган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
