Ўзбекистонликларга қуёш панеллари орқали ортиқча электр энергияси учун миллиардлаб сўм тўланди, деб Nova24.uz хабар берди.
Энергетика вазири ўринбосари Бахтиёр Мамадкаримов маълум қилишича, Ўзбекистонда “Қуёшли уй” дастурида қатнашган 10 минг фуқаро давлатга 12,2 миллион киловатт-соат ортиқча электр энергиясини сотди ва 12,2 миллиард сўм маблағ олди.
Маълумотларга кўра, 2024 йилда мамлакат бўйлаб жами 2 790 МВт қувватга эга электростанциялар ишга туширилган. Улардан:
1 000 МВт — қуёш фотоэлектр станциялари,
800 МВт — шамол станциялари,
965,2 МВт — иссиқлик электр станциялари,
22,7 МВт — гидроэлектр станциялари.
Қуёш ва шамол манбалари орқали 4,9 миллиард кВт/соат электр энергияси ишлаб чиқарилди. Бу 2 миллиондан ортиқ хонадоннинг йиллик истеъмолига тенг. Шу орқали 1,5 миллиард куб метр табиий газ тежалди ва 2 миллион тонна зарарли газлар атмосферага чиқиши олдини олинди.
2024 йилда Ўзбекистон 81,5 миллиард кВт/соат электр энергияси ишлаб чиқарган, шундан 67,5 миллиард кВт/соат истеъмолчиларга етказилган.
2025 йилда қуйидагилар режалаштирилган:
4,5 ГВт қувватдаги йирик қуёш ва шамол станциялари ишга туширилиши,
785 МВт ли қуёш панеллари ўрнатилиши,
225 МВт ли гидроэлектр станциялар қурилиши,
1,8 минг МВт қувватдаги электр энергиясини сақлаш тизимлари жорий этилиши.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
