17:42 / 31.03.2025

Кундузги таълимдан сиртқига ўтиш мумкинми?

Талабалар ўқишни кундузги таълим шаклидан сиртқига кўчириши мумкин, деб Talimxabarlari.uz хабар берди.

Вазирлар Маҳкамасининг 2017 йил 20 июндаги 393-сон қарорига 3-илова сифатида тасдиқланган “Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисида”ги Низомнинг 9-бандида ўқишни кўчириш ва қайта тиклашга рад жавоби берилиши мумкин бўлган ҳолатлар кўрсатиб ўтилган.

Низомнинг 22-бандига кўра, давлат гранти асосида ўқиётган талабаларни ўқишнинг барча шакллари бўйича (кундўзги, сиртқи ва бошқалар) олий таълимнинг мос ва турдош йўналишлари асосида бошқа олий таълим муассасаларига давлат гранти асосида кўчириш фақат белгиланган грант квоталари доирасида амалга оширилади.

Агар грант ўринлари мавжуд бўлмаса, ўқишни кўчириш тўлов-контракт асосида амалга оширилиши мумкин.

Низомнинг 15-бандига асосан, ўқишни кўчириш бўйича аризалар ҳар йили 15 июлдан 5 августгача қабул қилинади.

Кўчиришни истаган талабалар қуйидаги ҳужжатларни тақдим этади:
кўчириш (ёки қайта тиклаш) тўғрисида ариза (ўқув юрти, йўналиш, шакл, сабаб ва бошқа маълумотлар кўрсатилади);
рейтинг дафтари ёки академик маълумотнома нусхаси;