2 904
Ўзбекистонда электр энергияси ва газ истеъмоли учун тарифлар қайта кўриб чиқилади ҳамда ҳар йиллик индексация тизими жорий этилади, деб Nova24.uz хабар берди.
Янги қарорга кўра, тарифлардаги ўзгаришлар 1 апрелдан эмас, балки 1 майдан бошлаб амалга оширилади.
Шу билан бирга, дифференциялашган тарифда 201 кВт/с — 1000 кВт/с орасидаги ҳажм қайта кўриб чиқилиб, янги тоифа 201 кВт/с — 500 кВт/с этиб белгиланди.
2025 йил 1 майдан бошлаб, 201 кВт/с — 500 кВт/с оралиғидаги ҳар бир кВт/с учун аҳоли 800 сўм тўлайди. Ҳозир бу тоифадаги тариф 900 сўмни ташкил этади.
500 кВт/с истеъмол қиладиган уй хўжаликлари ҳозир 360 минг сўм (200 кВт/с учун 90 минг сўм ва 201–500 кВт/с учун 270 минг сўм) тўласа, 2025 йил 1 майдан сўнг ҳам шу миқдорда (120 минг + 240 минг сўм) тўлашда давом этади.
Индексация инфляция даражаси асосида ҳар йили 1 майда амалга оширилади ва у 10% дан ошмаслиги белгиланган.
13:10, 4-04-2025
