Burger King Ўзбекистонда 2-3 ой ичида очилади

Ўзбекистонда тезкор овқатланиш тармоғи Burger King иш бошлайди, деб хабар берди International Beverages Tashkent компанияси асосчиси Шухрат Эргашев, дея маълум қилди Nova24.uz.

Унга кўра, Burger King ресторанлари яқин 2–3 ой ичида фаолият бошлайди. Эргашев сўзларига қараганда, Ўзбекистон томони компания билан лицензия бўйича келишувга эришган.

— 10 йил аввал биз Burger King ва McDonald’s каби брендларни Ўзбекистонга таклиф қилган эдик. Ҳозир эса улар билан келишувга эришдик. Биринчи ресторанлар Тошкентда, кейинчалик бошқа шаҳарларда ҳам очилади, — деди Эргашев.

Шунингдек, у компаниядан Ўзбекистонни Марказий Осиёдаги марказий офис сифатида тан олиш ва бутун минтақага лицензия бериш таклифи келганини таъкидлади.

Эргашевга кўра, бундай йирик брендларнинг бозордаги иштироки хорижий инвесторлар учун муҳим сигнал ҳисобланади. «Замин»ни Telegram’да ўқинг!