192
Бухоро вилоятида жойлашган Гиждуван туманида фаолият юритувчи нонвойхонада йирик миқдорда электр энергиясининг ноқонуний истеъмоли аниқланди, деб "Upl.uz" хабар берди.
"Ўзэнергоинспекция" матбуот хизматининг маълум қилишича, Бухоро вилояти бошқармаси ва вилоят прокуратураси ходимлари билан ҳамкорликда ўтказилган текширув жараёнида, маҳаллий фуқаро ўз нонвойхонаси учун керакли жиҳозларни ҳисоблагичдан ташқари ҳолатда электр тармоғига улаб ишлатиб келгани аниқланган.
Электр энергияси тўлиқ ҳисоблагичдан четда истеъмол қилинган ва тижорат мақсадида қўлланилган. Дастлабки ҳисоб-китобларга кўра, давлатга етказилган моддий зарар 155,8 миллион сўмни ташкил қилмоқда.
Ҳозирда ушбу ҳолат юзасидан тегишли материаллар вилоят прокуратурасига юборилиб, фуқарони қонун олдида жавобгарликка тортиш учун иш юритувга олинди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг 
23:02, 9-05-2025
