Ўзбекистон Украинадаги 1110 фуқароси ҳақида текширув ўтказади

Украинада Россия армияси сафида жанг қилган 1110 нафар ўзбекистонлик ҳақида маълумотлар текширилади, деб Nova24.uz хабар берди.

«Хочу жить» номли украин лойиҳаси ушбу фуқаролар Россия армияси билан шартнома тузиб, Украинадаги урушда иштирок этганини маълум қилган. Ўзбекистон Ташқи ишлар вазирлиги бу маълумотлар юзасидан текширув бошланганини маълум қилди.

Агар мазкур иштирок тасдиқланса, ўзбекистонлик фуқароларга жиноий жавобгарлик юкланади. Жиноят кодексининг 154-моддаси («Ёлланмачилик») бўйича 10 йилгача озодликдан маҳрум этиш жазоси белгиланган.

Шунингдек, баъзи фуқароларда Россия фуқаролиги мавжудлиги айтиб ўтилди. МИД эслатишича, Ўзбекистонда қўш фуқаролик тақиқланган ва бундай ҳолатда ҳам ҳуқуқий чоралар кўрилади.

Вазирлик хориждаги ҳарбий можароларда иштирок этиш Ўзбекистон фуқаролари учун қатъиян ман этилишини яна бир бор таъкидлади. «Замин»ни Telegram’да ўқинг!