Сирдарёда чорвачилик учун 9 минг гектар майдон ажратилади

Сирдарё вилоятида келаси икки йил ичида 20 минг гектар ер майдони қишлоқ хўжалиги айланмасига қайта киритилиши режалаштирилган, деб Kursiv Media хабар берди. Бу ҳақда Президент Шавкат Мирзиёевга агросаноатни ривожлантириш бўйича йиғилишда маълум қилинди.

Йил охиригача «Унг тармоқ» канали модернизацияси якунланади. Бу 40% сув тежашга ва 27 минг гектар ерда сув таъминотини яхшилашга имкон беради.

Чорвачиликни ривожлантириш мақсадида 9 минг гектар майдонда учта комплекс ташкил этилади. Шунингдек, пахта етиштиришда янги технологиялар жорий этилади ва бу мақсадда 7 минг гектар ер ажратилади.

Давлат раҳбарига маълум қилинишича, 8 минг гектар боғ ва узумзорлар тадбиркорларга топширилади, 2 минг гектар ерда эса экспорт учун маҳсулот етиштириш бошланади. «Замин»ни Telegram’да ўқинг!