2026 йилда АБРнинг йиллик йиғилиши Самарқандда ўтказилади

2026 йил 3–6 май кунлари Самарқанд шаҳрида Осиё тараққиёт банкининг (ОТБ) 59-йиллик йиғилиши бўлиб ўтади, деб Kursiv.media хабар берди. Бу Ўзбекистонда мазкур нуфузли молиявий анжуманнинг иккинчи марта ўтказилиши бўлади — илк бор 2010 йилда Тошкентда ташкил этилган эди.

ОТБ президенти Масато Канда йиғилиш Самарқандда ўтказилиши минтақавий ҳамкорлик ва барқарор ривожланишни мустаҳкамлаш учун илҳом манбаи бўлишини таъкидлади. Унинг сўзларига кўра, Самарқанд ўзининг бой тарихи ва маданий мероси билан Осиё ва Тинч океани минтақасидаги ҳамкорликни мустаҳкамлаш учун идеал жой ҳисобланади.

Ўзбекистон Бош вазири ўринбосари Жамшид Хўжаевнинг таъкидлашича, мамлакат сўнгги йилларда иқтисодий ва ижтимоий ислоҳотларни жадал амалга оширмоқда. Унинг маълумотларига кўра, сўнгги тўрт йилда Ўзбекистонда камбағаллик даражаси 23% дан 11% га туширилган. 2025 йилда бу кўрсаткични 9% га, 2030 йилгача эса яримгача қисқартириш режалаштирилган.

ОТБ Ўзбекистоннинг энг йирик ривожланиш ҳамкорларидан бири бўлиб, сўнгги беш йилда мамлакат иқтисодиётини қўллаб-қувватлаш учун 5,4 миллиард доллардан ортиқ маблағ ажратган. Банк Ўзбекистонда яшил энергетика, хусусий секторни ривожлантириш ва инсон капиталига инвестиция киритиш соҳаларида лойиҳаларни қўллаб-қувватлайди.

«Замин»ни Telegram’да ўқинг!