Ўзбекистонда гилос нархи 70%га ошди

Ўзбекистонда гилос нархи кескин кўтарилди — бор-йўғи бир ҳафта ичида нарх 70%га ошиб, 1 кг учун 17 000 сўмга ($1.32) етди, деб EastFruit таҳлилий платформаси хабар берди.

Таҳлилчиларнинг фикрига кўра, нархнинг бу қадар тез ўсишига асосий сабаб — хорижий бозорларда, айниқса Россия, Беларусь ва Сербиядан бўлган харидорларнинг юқори талабидир.

2025 йил 23 май ҳолатига кўра:
• Ўртача улгуржи нарх — 17 000 сўм/кг
• 2023 йилда — 8 000 сўм/кг
• 2021 йилда — 10 000 сўм/кг

Қизиғи шундаки, бу йил гилос мавсуми одатдагидан камида бир ҳафта эртароқ бошланган. Аммо, ўтган йилларга қараганда нарх анча юқори. Ҳосил миқдори жуда ўзгармаган бўлса-да, Европа бозоридаги совуқлар туфайли гилос ва олчалар етишмаслиги кузатилган ва бу эса Ўзбекистон гилосига бўлган талабни кескин оширган. «Замин»ни Telegram’да ўқинг!