84
Ўзбекистон яқин йилларда ўзининг илк илмий-техникавий сунъий йўлдошини космосга учиришни режалаштирмоқда, деб хабар берди UPL Kazinform агентлигига таяниб. «Ўзбеккосмос» агентлиги директори ўринбосари Мухиддин Иброҳимов маълум қилишича, учириш 2028 йилгача амалга оширилиши мумкин.
Лойиҳа доирасида Ўзбекистон дунёдаги етакчи компаниялардан бири — Илoн Маскга тегишли SpaceX билан музокаралар олиб бормоқда. Бу ҳамкорлик мамлакат учун юқори технологияларни ривожлантиришда янги имкониятлар очади.
Иброҳимовнинг таъкидлашича, сунъий йўлдошни орбитага чиқариш катта режалаштириш ва техник тайёргарликни талаб қилади. Космик агентликлар томонидан берилган «учириш ойналари» олдиндан брон қилиниши лозим, чунки бўш сессиялар сони чекланган.
Шу боис, келишувлар ўз вақтида тузилиши ва барча шартлар тайёрланиши керак. Лойиҳанинг муҳим қисми — юқори малакали кадрлар тайёрлаш. 2024 йилда Ўзбекистондан 7 нафар талаба Япониянинг Кюсю технологик институтига магистратурага ўқишга юборилган. Улар сунъий йўлдошни лойиҳалаш, йиғиш ва учиришга тайёрлаш билан шуғулланишади. Таълим 2027 йилда якунланса, учириш 2028 йилгача амалга оширилиши мумкин.
Ўзбекистон 2023 йилда космосни тадқиқ этишга оид халқаро битимга қўшилган ва 2022 йилда Қозоғистон билан ҳукуматлараро келишув имзолаган. Шунингдек, лойиҳа Туркий давлатлар ташкилоти доирасида ҳам амалга оширилиши мумкин.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
