Сурхондарёда 615 гектарли “Сангардак” туризм маркази барпо этилади

Сурхондарё вилоятида янги йирик туристик марказ — “Сангардак” барпо этилади, деб хабар берди вилоят ҳокимлиги матбуот хизмати. Лойиҳа умумий қиймати 913,3 миллиард сўм бўлиб, марказнинг умумий майдони 615 гектарни ташкил этади.

Лойиҳа доирасида қуйидагилар қурилиши режалаштирилган:
• 4 та 3 юлдузли ва 2 та 5 юлдузли меҳмонхона;
• 10 та меҳмон уйи;
• санаторий ва маданий-маиший марказ;
• 21 та ресторан, кафе ва бар;
• 296 та савдо шохобчаси;
• 1,6 км узунликдаги канат йўли, зиплайн ва пикник зоналари.

Шунингдек, “Нилу” маҳалласи махсус туристик қишлоққа айлантирилади. Ҳозирги пайтда канат йўли учун устунлар ва старт майдончасининг бетонлаштириш ишлари якунланган. «Замин»ни Telegram’да ўқинг!