2024 йил 6 июндан Ўзбекистонда фуқаролар ўзларига кредит расмийлаштирилишини таъқиқлаш учун шахсан мурожаат қилиш имкониятига эга бўлди, деб nova24.uz хабар берди. Янги хизмат "Шахсий шахслар тўғрисида кредит шартномаси тузишни таъқиқлаш ёки рўйхатдан чиқариш тўғрисидаги маълумотларни реестрга киритиш ёки олиб ташлаш" номини олган.
Бу механизм фуқароларни ўзларининг розилигисиз кредит олиш ҳолатларидан, яъни фирибгарлардан ҳимоя қилишга ёрдам беради. Жисмоний шахслар Кредит ахборот-таҳлилий марказига бепул мурожаат қилиш орқали ўзларига нисбатан кредит шартномалари тузилишини таъқиқлаш юзасидан ариза топширишлари мумкин.
Маълум қилинишича, келгусида мазкур хизмат давлат хизматлари марказлари ва ЯИДХП орқали ҳам тақдим этилади. Ариза топширилгандан сўнг фуқаро махсус рўйхатга автоматик тарзда киритилади. Бундан кейин барча банклар, микромолия ва кредит ташкилотлари кредит шартномаси тузишдан олдин ушбу рўйхатдаги мавжудликни текширишга мажбур бўлади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
