Шавкат Мирзиёев 23 июн куни саноат корхоналарини «яшил» энергия билан таъминлаш чоралари бўйича тақдимот билан танишди, деб uz.kursiv.media хабар берди.
Қисқа муддатда соҳага 6 миллиард долларлик хорижий инвестициялар жалб қилиниб, электр ишлаб чиқариш ҳажми 82 миллиард киловатт-соатга етказилди.
Йил якунгача 12 та қуёш ва 4 та шамол электр станцияси, шунингдек, 12 та энергия сақлаш тизими ишга туширилиши режалаштирилган. Умумий инвестиция ҳажми 5 миллиард доллардан ошади. Шу билан бирга, 7,2 миллиард долларлик 11 та янги лойиҳа қурилиши бошланади.
Катта насос тизимларига қуёш ва энергия сақлаш ускуналари ўрнатилиб, сув насосларининг энергия истеъмоли 6,5 миллиарддан 4,5 миллиард киловатт-соатга қисқартирилади. Бу ишлар Қарши магистрал каналида бошланади.
Нефть-газ соҳасида ҳам 240 мегаваттли қуёш ва 300 мегаваттли энергия сақлаш тизимлари қурилади. Бу йилига камида 600 миллион киловатт-соат энергия ишлаб чиқариш имконини беради.
Йиғилишда 18 та йирик тармоқни мустақил энергия тизимига ўтказиш ва ижтимоий муассасаларда қуёш энергиясидан фойдаланиш масалалари муҳокама қилинди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
