Қонунга қўшимча: қамоқдаги қийноқлар олди олинади

2025 йил 26 июнь куни “Жиноят ишини юритиш чоғида қамоқда сақлаш тўғрисида”ги Ўзбекистон Республикаси қонунига (ЎРҚ–1072-сон) қўшимча киритилди, деб Uz24.uz хабар берди.

Янги қўшимчага кўра:
. Қамоққа олинган шахслар тергов ҳибсхонасига жойлаштирилишидан олдин мажбурий тиббий кўрикдан ўтказилади.
. Тиббий кўрик қамоққа олинган шахс ҳибсхонага келтирилганидан сўнг 2 соат ичида амалга оширилиши шарт.
. Қамоққа олинган шахснинг розилиги билан унинг адвокати ҳам кўрикда иштирок этиши мумкин.
. Тиббий кўрик натижалари белгиланган намунада расмий тиббий маълумотнома билан расмийлаштирилади.

Агар кўрик пайтида шахс танасида жароҳат, шикаст ёки яра аниқланса, улар белгиланган тартибда қайд этилади, қамоққа олинган шахсга бу ҳақда маълум қилинади ва зудлик билан прокурорга хабар берилади.