Сўнгги беш йил ичида Ўзбекистоннинг IT хизматлари экспорти 170 миллион доллардан 1 миллиард долларгача ўсди, деб Kursiv Media хабар берди.
Президент Шавкат Мирзиёевга рақамли технологиялар ривожига бағишланган тақдимотда маълум қилинишича, мамлакат стартаплари 70 миллион долларлик венчур инвестицияларни жалб қилган. Шунингдек, IT соҳасида ишлаётган 40 минг нафар ёш юқори маош олаётгани таъкидланган.
IT Park резидентлари сони 2,8 минг нафардан ошди, улардан 752 нафари хорижликлардир.
Презентацияда таъкидланишича, мамлакат сунъий интеллектга тайёрлик бўйича халқаро индексда 17 поғонага юқорилаб, Марказий Осиёда биринчи ўринни эгаллади. Шунингдек, Ўзбекистон телекоммуникация соҳаси ўсиш суръати бўйича МДҲ давлатлари орасида пешқадам бўлди.
Мирзиёевга 2026 йилга қадар соҳани ривожлантириш режалари ҳам тақдим этилди. Давлат хизматларини рақамлаштириш даражаси 70 фоизга етказилиши, IT хизматлар бозори ҳажми 100 трлн сўмгача оширилиши кутилмоқда. Келаси йил мамлакат электрон ҳукумат индексида 63-ўриндан 55-ўринга кўтарилиши мақсад қилинган.
Презентацияда, шунингдек, Ўзбекистонда ишлаш учун релокантларга яратилган имтиёзлар, ҳудудларда чет эл компаниялари учун мақбул шароит яратиш муҳимлиги қайд этилди. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
