Ўзбекистон 325 млн долларлик автоимпорт амалга оширди

2025 йилнинг январ–май ойлари мобайнида Ўзбекистонга 18 387 дона енгил автомашина импорт қилинди, деб Статистика агентлиги маълум қилди. Улар умумий ҳисобда 325,3 миллион доллар (тақрибан 4,3 трлн сўм) қийматга тенг бўлган.

Шу машиналардан 9,7 мингтаси электромобиллардир.

Қандай мамлакатлардан автомобиллар келтирилган?
• Хитой — 15 800 дона
• Жанубий Корея — 1 800 дона
• Ҳиндистон — 168 дона
• Япония — 122 дона
• АҚШ — 82 дона
• Бошқа давлатлардан — 260 дона

Ушбу кўрсаткичларга қараб, Хитой Ўзбекистон учун энг асосий авто етказиб берувчи мамлакат бўлиб қолмоқда. Хусусан, электромобиллар импортида ушбу мамлакат етакчи ҳисобланади.

Республикада электромашиналарга бўлган қизиқиш тобора ошиб бораётгани кузатилмоқда.