Ўзбекистонда ноқонуний чиқиндилар ташлаш ҳолатлари учун 7,9 миллиард сўмлик жарима солинди, деб Kursiv.uz хабар берди.
Экология, атроф-муҳитни муҳофаза қилиш ва иқлим ўзгариши вазирлиги маълум қилишича, 2025 йилнинг январь-июнь ойлари мобайнида мамлакат бўйлаб 15 мингга яқин ноқонуний чиқинди ташлаш ҳолати аниқланган.
“Юртимиз бўйлаб 14,7 мингта маъмурий баённома расмийлаштирилди. Жами 7,9 миллиард сўм жарима қўлланилди, шундан 3,3 миллиард сўм белгиланган тартибда ундирилди”, — дейилади вазирлик ахборотида.
Энг кўп қоидабузарликлар Наманган вилояти (1,5 минг), Андижон вилояти (1,4 минг) ва Фарғона вилояти (1,1 минг)да қайд этилди.
Онлайн кузатув тизими орқали 5,2 мингдан ортиқ ноқонуний чиқинди ташлаш ҳолати аниқланган. Видео кузатув асосан аҳоли яшаш пункти четлари, ноқонуний чиқиндихоналар, соҳилбўйи ҳудудлар ва умумий фойдаланишдаги жойларни назорат қилади.
Вазирлик фуқароларни қонун талабларига риоя этишга ва атроф-муҳитга эҳтиёткорлик билан муносабатда бўлишга чақирди.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
