Тошкент шаҳрининг турли ҳудудларида яшаётган фуқаролар учун 1 август куни бир қатор қулайсизликлар кузатилиши мумкин. Бу ҳақида маҳаллий газ таъминоти хизматлари аниқ маълумот берди.
Масъулларнинг билдиришича, таъмирлаш ва техник профилактика ишлари туфайли шаҳарнинг Сергели, Бектемир ва Чилонзор туманларида табиий газ таъминоти вақтинча тўхтатилиши режалаштирилган. Бу ўзгаришлар аҳоли хонадонлари ва ишлаб чиқариш фаолияти юритаётган субъектлар учун маълум бир ноқулайликлар туғдириши мумкин.
Қуйида ҳар бир туман бўйича аниқ вақт ва манзиллар келтирилган:
Сергели тумани:
— Газ узилиши вақти: соат 10:00 дан 16:00 гача
— Манзил: «Қумариқ» маҳалла фуқаролар йиғини
— Охирги ҳисоб-китоблар бўйича: 456 та хусусий ерли хонадон ва 4 та йирик истеъмолчи таъминотдан вақтинча узилади.
Бектемир тумани:
— Газ узилиши вақти: 10:00 дан 14:00 гача
— Манзил: «Олтинтопган» маҳалла
— Аҳоли учун: 320 та хусусий хонадон ва 10 та улгуржи истеъмолчи бу вақтда газсиз қолади.
Чилонзор тумани:
— Газ узилиши вақти: 10:00 дан 18:00 гача
— Манзил: «2-Чарх Камолон» маҳалла
— Узилишдан таъсирланадиганлар: 184 та ерли хонадон, 6 та кўп қаватли уй ва 7 та улгуржи газ истеъмолчиси.
Мазкур таъмирлаш ишлари фақатгина техник ҳолатни яхшилаш, хавфсизликни таъминлаш ва келгусида узлуксиз таъминотни кафолатлаш мақсадида амалга оширилмоқда. Бу каби қисқа вақтли узилишлар орқали муҳандислар бутун тизимни текшириб, мавжуд носозликларни бартараф этади.
«Замин»ни Telegram’да ўқинг!
