Ўзбекистонда автотранспорт воситалари сони йил сайин ортмоқда. Миллий статистика қўмитаси маълумотларига кўра, жорий йилнинг 1 июли ҳолатига мамлакатимизда жисмоний шахслар номига рўйхатдан ўтган автомашиналар сони 4 миллион 612,7 мингтага етган.
Таъкидланишича, ушбу кўрсаткич ўтган йилнинг мос даврига нисбатан 441,5 мингтага кўпдир. Автотранспорт воситалари орасида энг катта улушни енгил автомобиллар эгаллаб, уларнинг сони 4 миллион 289 мингтани ташкил этади. Бу жами транспорт воситаларининг 93 фоизига тенг.
Статистика қуйидагича тақсимланади:
-
енгил автомобиллар — 4 млн 289 минг дона;
-
юк автомобиллари — 302,6 минг дона;
-
микроавтобуслар — 7,7 минг дона;
-
махсус транспорт воситалари — 7,3 минг дона;
-
автобуслар — 6,1 минг дона.
Қўмита маълумотларига кўра, жорий йилнинг 1 апрелида рўйхатдан ўтган жисмоний шахсларга тегишли транспорт воситалари сони 4 миллион 522,1 мингта бўлган. Демак, кейинги уч ойда ҳам автопарк сезиларли даражада кенгайган.
Мутасаддиларнинг таъкидлашича, мамлакатда янги автомобиллар харид қилиш суръати юқори даражада сақланиб қолмоқда, бу эса иқтисодий фаоллик ва аҳоли турмуш даражасининг ўсиши билан бевосита боғлиқ.
«Замин»ни Telegram’да ўқинг!
