Ижара тўғрисидаги қонун янгиланиши кутилмоқда

Ўзбекистонда “Ижара тўғрисида”ги янги қонун лойиҳаси тайёрланмоқда, деб Kursiv хабар берди.

Бу ҳақда Президент Шавкат Мирзиёев тадбиркорлар билан мулоқот пайтида маълум қилди. Унинг сўзларига кўра, 1991 йилдан буён амалда бўлиб келаётган қонун асосан давлат органлари манфаатини ҳимоя қилган.

Янги таҳрирдаги қонун ижара берувчи ва ижарачига тенг ҳуқуқлар беришни кафолатлайди. Шунингдек, 2026 йилдан бошлаб давлат активлари 5 йиллик муддатга ижарага берилади.

Ижара шартномаси ижарачининг ташаббуси билан ёки шартлар бажарилмаган ҳолда бекор қилиниши мумкин бўлади.

Жорий йилда 16 туманни жадал ривожлантириш учун 1,1 трлн сўм ажратилган. Шундан $250 млн маблағни Жаҳон банки тақдим этган. Келаси йилда 30 туманни қамраб оладиган лойиҳаларга $500 млн йўналтирилади.

Нодирбек Раззоков

«ЗАМИН.УЗ» муҳаррири