Қўшилган қиймат солиғи (ҚҚС) тизимига ўтаётган корхоналар бир йил давомида фойда солиғидан озод этилади, деб Kursiv хабар берди.
Бу ҳақда Президент Шавкат Мирзиёев тадбиркорлар билан учрашувда маълум қилди. ҚҚС ставкаси 12 фоизга туширилгани сабабли, мазкур режимга ўтаётган тадбиркорлар сони ортиб бормоқда.
Янги имтиёзларга кўра, ҚҚСга ўтаётган корхоналарда ҳисоб-китобда хатолик бўлса, жарима қўлланмайди. Шунингдек, бухгалтер маошининг 5 миллион сўмгача бўлган қисми 6 ой давомида солиқдан озод этилади.
Йиллик айланмаси 10 миллиард сўмдан ошган корхоналар учун амал қилаётган аванс тўлови талаби энди фақат 20 миллиард сўмдан юқори айланмага эга бўлганларга қўлланилади. Бу 14 мингга яқин тадбиркорни 1 трлн сўмгача маблағ билан таъминлайди.
1 ноябргача тадбиркорлар солиқ хатоларини мустақил равишда тузатиб, “оқ саҳифа”дан рейтингини қайта бошлаш имконига эга бўлади. Бу “амнистия” орқали амалга оширилади.
2026 йилдан ер, мулк, ижтимоий ва даромад солиқлари бўйича ҳисоботни солиқчилар тайёрлаб беради, тадбиркорлар эса 5 кун ичида уни кўриб чиқиб, керак бўлса, тузатиш киритади. Кичик бизнес учун жарималар миқдори уч баробаргача камайтирилади.
«Замин»ни Telegram’да ўқинг!
