2026 йилдан “Бизнесни 15 дақиқада бошлаш” тамойили жорий этилади, деб Kursiv хабар берди.
Президент Шавкат Мирзиёев тадбиркорлар билан учрашувда бу янгилик ҳақида маълум қилди. Янги тизимда тадбиркор рўйхатдан ўтаётганда электрон рақамли имзо, банк ҳисоб рақами, ижара шартномаси ва солиқ органида рўйхатдан ўтган касса аппаратини бир вақтда олиш имконига эга бўлади.
Шундай қилиб, олти-етти кунлик расмийлаштириш жараёни 15 дақиқагача қисқартирилади.
Қўшимча равишда, 2026 йилдан 10 та лицензия ва рухсатнома талаблари бекор қилинади. Айрим соҳаларда эса фақат хабардор қилиш тартиби жорий этилади. Эндиликда қоидабузарлик аниқланса, фақат корхона ўзининг ўзини жавобгарликка тортилади.
32 турдаги маҳсулот — кўчат, минерал ўғит, чорва озуқаси ва бошқалар учун мажбурий сертификатлаш бекор қилинади. Мажбурий сертификатлар сони 459 тадан 288 тагача қисқартирилади. Ўрнига “мувофиқликни декларациялаш” тизими жорий этилади.
Шунингдек, тадбиркорлар энди иқтисодий ва маъмурий судларга экстерриториал тартибда мурожаат қилишлари мумкин бўлади. Суд қарорлари бажарилиши кечикса, “астрент” тизими ишга туширилиб, қарздор кечиктирган ҳар бир кун учун пеня тўлайди.
«Замин»ни Telegram’да ўқинг!
