Кечаги давлат раҳбарининг тадбиркорлар билан учрашувида, охирги уч йилда маркетплейслар сони 24 тадан 163 тагача ўсгани қайд этилди, деб Uz24 хабар берди.
Президент Шавкат Мирзиёев маълум қилишича, тадбиркорлар маҳсулотларини рақамли платформалар орқали экспорт қилишни ўрганган. Улар миллий ва хорижий маркетплейсларда сотилган товарлар учун ҳам анъанавий экспортдаги каби ҚҚС қайтарилишини талаб қилишган.
Давлат раҳбари мутасаддиларга бу таклифни маъқуллаб, амалиётга жорий этишни топширди. Шу билан бирга, финтех-стартапларни кўпайтириш ва уларни қўллаб-қувватлаш бўйича беш йиллик стратегия қабул қилиниши маълум қилинди.
“Очиқ банк” экотизими жорий этилиб, у банклар, финтех компаниялари ва стартаплар ўртасида кўприк вазифасини бажаради.
Яқин йилларда стартапларга йўналтириладиган инвестициялар ҳозиргига нисбатан 10 баробаргача кўпаяди.
«Замин»ни Telegram’да ўқинг!
