Центробанк маълумотига кўра, 2025 йилнинг иккинчи чорагида Ўзбекистонда бўш иш ўринлари сони ошган, иш қидирувчилар фаоллиги эса камайган, деб Kursiv хабар берди.
Иш қидириш сервислари маълумотларига асосан, вакансиялар сони ўтган чоракка нисбатан 28,7% га кўпайган. Энг кўп талаб савдо, умумий овқатланиш ва ишлаб чиқариш соҳаларида бўлган.
ЦБ таъкидлашича, апрель–июн ойларидаги ўсишга мавсумий омиллар ҳам таъсир қилган. Бироқ сўнгги икки йилга нисбатан онлайн иш қидириш фаоллиги паст бўлиб қолмоқда.
Шу билан бирга, бозорда иш берувчилар талаб қилган малакага эга кадрлар етарли эмас. Кўплаб резюмелар белгиланган талабларга мос келмайди.
Центробанкга кўра, 2025 йилнинг апрель–июн ойларида келгуси 3 ойда ишчилар сонини оширишга тайёр корхоналар улуши 30,2% гача тушиб кетган.
«Замин»ни Telegram’да ўқинг!
