Марказий банкнинг “Меҳнат бозори шарҳи”га кўра, сўнгги чоракларда Ўзбекистонда реал иш ҳақининг ўсиши Марказий Осиё ва Кавказ давлатларига нисбатан паст даражада шаклланмоқда, деб Uz24 хабар берди.
Асосий маълумотлар:
– 2025 йилнинг январь–март ойларида Марказий Осиё давлатларида реал иш ҳақи ўртача 9,8% га, Кавказ давлатларини ҳам ҳисобга олганда 9,1% га ўсган.
– Агар бу фарқ узоқ муддат сақланса, Ўзбекистонда иш бозори иштирокчилари харид қобилиятининг пасайиши ва ички талабнинг сусайишига олиб келиши мумкин.
– 2025 йил II чорагида Ўзбекистонда энг кам иш ҳақи 91 долларни ташкил қилган. Солиштириш учун: Беларусда — 243, Озарбайжонда — 235, Мўғулистонда — 222 доллар.
Шунингдек, Ўзбекистонда энг кам иш ҳақининг аҳоли жон бошига ЯИМга нисбати 35% ни ташкил қилган. Бу кўрсаткич даромадлар тақсимотининг қандайлигини англатади.
Маҳаллий ва қўшни давлатлар ичида Қозоғистон, Қирғизистон ва Грузияда бу кўрсаткич анча паст, бошқа давлатларда эса бир-бирига яқин шаклланган.
«Замин»ни Telegram’да ўқинг!
