Қорақалпоғистонга 7 ойда 199 мингдан ортиқ сайёҳ келди

Жорий йилнинг январь-июль ойларида Қорақалпоғистонга 199,3 мингдан ортиқ хорижий сайёҳ ташриф буюрди, деб Kursiv.media хабар берди.

Биринчи ярим йилликда ҳудуднинг туризм хизматлари экспорти 26,1 млн доллар (325 млрд сўмдан зиёд)ни ташкил этди. Шунингдек, январь-июнь ойларида ҳудудга 1,6 млн нафардан зиёд мамлакатимиз фуқаролари келган.

1 август ҳолатига кўра, Қорақалпоғистонда 13 та туризм корхонаси фаолият бошлади — саккизта туроператор ва бешта турагентлик. Шунингдек, икки меҳмонхона, тўққизта хостел ва учта меҳмон уйи ишга туширилди.

Нодирбек Раззоков

«ЗАМИН.УЗ» муҳаррири