Тошкентнинг тўрт туманида газ вақтинча узилади

25 август, душанба куни, Тошкентнинг айрим туманларида таъмирлаш ишлари сабабли газ вақтинча ўчирилади, деб Kursiv.media хабар берди.

Чилонзор туманида соат 10:00 дан 20:00 гача «Ал-Хоразмий», «Баҳористон», «Гулистон» ва «Бек топи» маҳаллаларида газ бўлмайди. Бу ҳудудда 220 та хусусий уй, 80 та кўп қаватли бинолар ва 40 та йирик истеъмолчи газсиз қолади.

Шайхонтоҳур туманида ҳам соат 10:00 дан 20:00 гача тўртта йирик истеъмолчига газ етказиб бериш тўхтатилади.

Учтепа туманидаги «Фозилтепа», «Кўксарой», «Ўрикзор» ва «Зарафшон» маҳаллаларида газ 10:00 дан 20:00 гача ўчирилади. Бу ерда 2 450 та хусусий уй, 47 та кўп қаватли уй ва 256 та йирик истеъмолчи таъсир кўради.

Яшнобод туманида соат 10:00 дан 18:00 гача Махтумқули кўчасида газ бўлмайди. Бу ерда 950 та хусусий уй, 35 та кўп қаватли уй ва 10 та йирик истеъмолчи газсиз қолади.

Таъмирлаш ишлари тугагандан сўнг газ таъминоти тикланади.

Нодирбек Раззоков

«ЗАМИН.УЗ» муҳаррири