Ўзбекистонда ҳаво ҳарорати +39° даражагача кўтарилади

25 август, душанба куни Ўзбекистонда ҳаво ҳарорати яна ошиб, +34°…+39° даражага етиши кутилмоқда, деб хабар берди «Ўзгидромет».

Айрим ҳудудларда шамол кучайиб, секундига 13–18 метргача етиши мумкин. Бу кўрсаткич Бофорт шкаласи бўйича 6–8 баллга тўғри келади.

Пойтахтда ҳаво ҳарорати +36°…+38° даража бўлиши кутилмоқда. Шамол ўртача куч билан, секундига 8 метргача эсиши мумкин. Тоғли ҳудудларда эса ҳарорат +25°…+30° даражани ташкил этади. Кун давомида ёмғир ёғиши кутилмайди.

Манба: Kursiv.media