Ўзбекистонда энг машҳур миллий таомлардан бири — палов нархлари бўйича янги ҳисобот эълон қилинди. Статистика агентлигининг август ойи таҳлилларига кўра, паловнинг бир килограмми турли ҳудудларда турлича баҳоланган.
Пойтахт Тошкент яна бир бор энг қиммат палов билан етакчига айланди. Расмий ҳисоботга кўра, бир килограмм паловнинг ўртача баҳоси 117 минг 400 сўмни ташкил этган. Қизиғи шундаки, ортидан кўп вақт ўтмасдан, шу йилнинг феврал ойида нарх 10 минг сўмга арзонроқ эди.
Энг қиммат нархлар бўйича кучли учликка Тошкент вилояти (113,6 минг сўм) ва Фарғона вилояти (115 минг сўм) кирди. Самарқандда ҳам бу кўрсаткич 113,4 минг сўмни ташкил этгани қайд этилмоқда.
Энг арзон палов эса Қорақалпоғистонда қайд этилди. У ерда килограмм паловнинг ўртача баҳоси 98 минг 600 сўмдан ошмаган. Андижонда нарх 105,5 минг сўм, Сирдарёда эса 105,7 минг сўм бўлиб, палов харид қилиш нисбатан арзонроқ ҳисобланади.
Қолган вилоятлардаги палов нархлари қуйидагича бўлди:
– Бухоро — 108,4 минг сўм,
– Жиззах — 110 минг сўм,
– Қашқадарё — 111,7 минг сўм,
– Сурхондарё — 111,5 минг сўм,
– Навоий — 110 минг сўм,
– Наманган — 109,4 минг сўм,
– Хоразм — 107 минг сўм.
Мутасаддилар таъкидлашича, нархлардаги фарқ асосан маҳсулотнинг бозордаги баҳосига, айниқса, гўшт ва сабзавот нархларига боғлиқ. Шу билан бирга, ҳудудлардаги истеъмол одатлари ҳам паловнинг умумий таннархига таъсир кўрсатади.
Шу тариқа, Тошкент паловнинг энг қиммат баҳолари билан биринчи ўринда қолса, Қорақалпоғистон энг арзон палов таклиф қилаётган ҳудуд сифатида қайд этилди.
«Замин»ни Telegram’да ўқинг!
