Самарқанд минтақадаги энг машҳур сайёҳлик йўналишларидан бири сифатида ўз мавқеини мустаҳкамлашда давом этмоқда. Туризм қўмитаси маълумотларига кўра, 2025 йил охиригача 3 миллионга яқин хорижий сайёҳ келиши кутилмоқда, деб ёзади Курсив.медиа.
Уларнинг ҳар бири шаҳарда бўлган вақт давомида ўртача 320 долларга яқин пул сарфлайди. Шу билан бирга, ҳозирда саёҳатнинг ўртача давомийлиги 3,5 кунни ташкил этади - ўтган йили бу кўрсаткич атиги 2,6 кун эди.
Энг фаол меҳмонлар Россия, Қозоғистон, Тожикистон, Италия ва Германиядан ташриф буюришади. Туризмнинг ўсиши шаҳар иқтисодиёти ва хизмат кўрсатиш соҳасига ижобий таъсир кўрсатмоқда.
Ички туризм ҳам фаол ривожланмоқда. Жорий йил охиригача 7,5 миллион Ўзбекистон фуқароси Самарқандга ташриф буюриши режалаштирилган. 2024 йилда улар 5 миллион эди.
Самарқандда туризм шунчаки экскурсия эмас, балки шаҳар ривожига ҳисса қўшишдир. Сиз бу қадимий шаҳарнинг гўзаллигини кашф этдингизми?
«Замин»ни Telegram’да ўқинг!
