Ўзбекистонда инсонларни уларнинг розилигисиз фото ва видеога олиш тақиқланиши мумкин, деб Kursiv.media хабар берди.
8 сентябрь куни Қонунчилик палатасидаги партиялар фракциялари мазкур қонун лойиҳасини муҳокама қилди.
Лойиҳага кўра, инсон тасвири фақат унинг розилиги билан фойдаланилиши мумкин.
Агар шахс ҳуқуқий лаёқатга эга бўлмаса, унинг вакили розилик беради.
16 ёшгача бўлган болалар учун розиликни ота-оналар ёки васийлар беради,
16 ёш ва ундан юқори бўлса, қарорни ўсмирнинг ўзи қабул қилади.
Қонун лойиҳаси, шунингдек, бинолар ва иншоотларда видеокузатув олиб борилаётгани ҳақида огоҳлантирувчи белгиларни ўрнатишни мажбурий қилади.
Шунингдек, розиликсиз суратга олиш мумкин бўлган ҳолатлар рўйхати ҳам аниқлаштирилади.
Фракциялар муҳокамасидан сўнг лойиҳа биринчи ўқишга қўйилади, сўнг Сенат ва Президент имзосига юборилади.
«Замин»ни Telegram’да ўқинг!
