Ўзбекистонда 12 йиллик таълим тизими жорий этилиши режалаштирилмоқда, деб Kursiv.media хабар берди.
Бу ҳақда Мактабгача ва мактаб таълими вазирининг ўринбосари Сардор Раджабов маълум қилди.
Унга кўра, Президент Шавкат Мирзиёев таълим соҳасига оид тақдимот билан танишди.
Тақдимотда мактабгача тайёрлов курсларини кенг жорий этиш натижасида 12 йиллик тизимни жорий этиш зарурлиги қайд этилди.
Мазкур тизим таълим сифатини оширишга хизмат қилиши таъкидланди.
Шунингдек, таълим соҳасини ислоҳ қилиш, ўқитувчилар малакасини ошириш ва олий маълумотли ўқитувчилар улушини кўпайтириш масалалари муҳокама қилинди.
Шу муносабат билан Миллий педагогика университети ҳамда ҳудудий ОТМларда педагоглар учун мақсадли қабул жорий этилади.
Бу орқали соҳада етук мутахассисларни тайёрлашга эътибор кучайтирилади.
Ўқитувчилар сифати ва тайёргарлигини яхшилаш таълим ислоҳотларининг устувор йўналиши бўлади.
«Замин»ни Telegram’да ўқинг!
