Ўзбекистонда исломий банк фаолиятини йўлга қўйишга қаратилган қонун лойиҳаси ишлаб чиқилди ва Олий Мажлис Қонунчилик палатасининг навбатдаги мажлисида биринчи ўқишда концептуал жиҳатдан кўриб чиқилди, деб Bankir хабар берди.
Лойиҳа билан Солиқ ва Фуқаролик кодекслари ҳамда яна 8 та қонунга ўзгартириш ва қўшимчалар киритиш таклиф этилмоқда. Жумладан, қонунчиликка “исломий банк”, “молия операциялари”, “исломий молия стандартлари” ва “инвестициявий депозит” каби тушунчаларни киритиш кўзда тутилмоқда.
Қонун лойиҳасида исломий банк фаолиятини амалга ошириш учун лицензия жорий қилиниши белгиланмоқда. Шунингдек, бу лицензияни олиш тартиби ва талаблари ҳам аниқ белгиланмоқда.
Шу билан бирга, ушбу лицензияга эга банклар томонидан амалга оширилиши мумкин бўлган молия операциялари ҳам аниқ белгилаб берилмоқда.
«Замин»ни Telegram’да ўқинг!
