Veolia шахсий кабинетида энди иситиш ва сув учун алоҳида ҳисоб юритилмоқда

Veolia Energy Tashkent компанияси шахсий кабинет функциясини такомиллаштирди, деб Kursiv.media хабар берди. Энди ҳисоб-китоблар иситиш ва иссиқ сув таъминоти бўйича алоҳида кўринишида тақдим этилади.

Фойдаланувчилар “Ҳисоб-китоблар” бўлимида исталган даврни танлаб, “Тафсилотлар” опциясини фаоллаштириш орқали аниқ қайси хизмат учун қанча тўлов ҳисобланганини кўришлари мумкин.

Компания ушбу янгилик тўловлар шаффофлигини ошириши ва аҳолига оилавий бюджетни режалаштиришда ёрдам беришига ишонмоқда. Функция компания сайтида амалга оширилган.