Президент Шавкат Мирзиёев қарорига кўра, муддати ўтган озиқ-овқат маҳсулотларини сотганлик учун жарималар уч баравар оширилади, деб Kursiv Uzbekistan хабар берди.
Бу чоралар ишлаб чиқарилган сана ёки сақлаш муддати кўрсатилмаган маҳсулотларга ҳам татбиқ этилади. Рақобат қўмитасига икки ой ичида тегишли қонун лойиҳасини ҳукуматга тақдим этиш топширилган.
Ҳозирда жисмоний шахслар учун жарима 3–10 БҲМ ёки 1,2 млн – 4,2 млн сўм,
юридик шахслар учун эса 7–10 БҲМ (2,8 млн – 4,2 млн сўм)ни ташкил этади.
Янги ўзгаришлар кучга киргач, жариманинг энг юқори миқдори 12,3 млн сўмдан ошади.
Шунингдек, 2026 йил март ойидан бошлаб муддати ўтган маҳсулотларни сотиш бутунлай тақиқланади.
Бундай маҳсулотлар рақамли маркировка тизими орқали назорат қилинади ва агар уларнинг муддати тугаган бўлса, сотув автоматик тарзда блокланади.
Маълумот учун, ҳозирда Ўзбекистонда рақамли маркировка тизими 115,1 минг турдаги маҳсулотни қамраб олган.
“Zamin”ни Telegram'да ўқинг!
