14-октябрь куни қандай об-ҳаво кузатилади

14 октябрь куни Ўзбекистон бўйлаб ҳаво илиқ бўлиши кутилмоқда. Ҳарорат кечаси 8–15°C, кундузи эса 23–30°C атрофида бўлади, деб Kursiv.media «Ўзгидромет» агентлиги маълумотига таянган ҳолда хабар берди.

Тошкент шаҳрида ҳаво бироз булутли, вақт-вақти билан ўзгарувчан бўлиб, ёғингарчилик кутилмайди. Ҳарорат кечаси 10–12°C, кундузи 25–27°C бўлади. Шамол тезлиги 3–8 м/с бўлиб, гарбдан эсади.

Қорақалпоғистонда кундузги баъзи жойларда қисқа муддатли ёмғир бўлиши мумкин. Ҳарорат кечаси 9–14°C, кундузи 22–27°C. Шунингдек, 7–12 м/с тезликда шамол кузатилади.

Хоразм, Бухоро, Навоий ва бошқа ҳудудларда ҳам ҳаво бироз булутли, лекин ёғингарчилик кутилмайди. Кундузги ҳарорат 27–30°C гача, кечаси эса 10–15°C бўлиши кутилмоқда.

Нодирбек Раззоков

«ZAMIN.UZ» муҳаррири