Эртага мамлакатнинг деярли барча ҳудудларида ҳаво ўзгарувчан, лекин қуруқ бўлади. Ёғингарчилик кутилмайди.
Тошкент шаҳрида шамол шарқдан 3–8 м/с тезликда эсади. Ҳарорат кечаси 3–5 даража, кундузи 14–16 даража илиқ бўлади.
Қорақалпоғистон ва Хоразмда ҳам ҳаво тиниқ бўлиб, кундузи 17 даражагача илиқлашади. Бухоро ва Навоийда ҳарорат 19 даражагача кўтарилиши мумкин.
Самарқанд, Жиззах ва Сирдарё вилоятларида 17 даражагача илиқ, Қашқадарё ва Сурхондарёда эса кундузи 20 даражагача исиш кутилмоқда.
Фарғона водийсида (Андижон, Наманган, Фарғона) ҳаво тинч ва туманли бўлиши эҳтимол қилинади. Кундузи 17 даража, кечаси эса 0–5 даража илиқ бўлади.
Тоғли ҳудудларда ёғингарчилик эҳтимоли кам, фақат Тошкент вилояти тоғларида кечқурун ёмғир ёки қор ёғиши мумкин. Ҳарорат кундузи 8–13 даража, кечаси 2 даража совуққача пасайиши мумкин.
Метеорологлар маълумотича, мамлакат бўйлаб ҳафта боши илиқ ва барқарор об-ҳаво билан бошланади.
“Zamin”ни Telegram'да ўқинг!
