Ўзбекистонда олий таълим тизимида талабалар сони кескин ортиб, айниқса қизлар сони бўйича янги рекорд қайд этилди. Миллий статистика қўмитаси маълумотларига кўра, 2024/2025 ўқув йилида мамлакатдаги олий таълим муассасаларига 381,7 минг нафар абитуриент қабул қилинган. Бу кўрсаткич 2020/2021 ўқув йилига нисбатан қарийб 2,2 баробарга ўсган.
Энг қизиғи, янги қабул қилинган талабаларнинг аксарияти — қизлар. Жами 196,7 минг нафар қиз ва 185 минг нафар йигит олий таълим босқичини бошлаган. Демак, қизлар сўнгги йилларда таълимдаги етакчиликни қўлга олган.
Ҳудудлар кесимида энг кўп талаба қабул қилинган минтақалар сирасида Тошкент шаҳри мутлақ етакчи — 155,2 минг нафар талабани ўз бағрига олган. Ундан кейин Бухоро вилояти (31,5 минг), Тошкент вилояти (22,7 минг) ва Самарқанд вилояти (21,2 минг) келади.
Қолган ҳудудларда ҳам ўсиш кузатилган: Қашқадарёда — 28,8 минг, Фарғонада — 20,7 минг, Сурхондарёда — 16,8 минг, Наманганда — 16,1 минг, Хоразмда — 16,8 минг, Қорақалпоғистонда — 18,6 минг талаба қабул қилинган. Энг кам кўрсаткич Сирдарё вилоятида — 5,3 минг.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
