“Ўзгидромет” 14 ноябрь кунига мўлжалланган об-ҳаво маълумотини тақдим этди. Синоптикларнинг айтишича, мамлакат бўйлаб барқарор, ёруғ ва нисбатан илиқ об-ҳаво ҳукм суради, ёғингарчилик кутилмайди.
Тошкент шаҳрида осмон ўзгарувчан бўлади, шамол шарқдан 3–8 м/с тезликда эсади. Ҳарорат тунги пайтда 4–6 даража, кундузи эса 17–19 даража илиқ бўлиши прогноз қилинган.
Қорақалпоғистон ва Хоразм вилоятларида ҳам қуёшли ва илиқ кун кутиляпти — ҳарорат кундузи 21 даражагача кўтарилади. Бухоро ва Навоийда ҳам шундай шароит кузатилади.
Самарқанд, Сирдарё ва Жиззах вилоятларида ҳаво ёруғ, шамол шарқдан эсиб туради. Ҳарорат кундузи 20 даражага яқин бўлади.
Қашқадарё ва Сурхондарё аҳолисини 23 даражагача илиқ кун кутмоқда. Фарғона водийсида эса эрталаб туман тушиши мумкин, кундузи ҳарорат 18 даража атрофида бўлади.
Тоғли ҳудудларда ҳам барқарор ҳаво сақланиб туради — кундузи 10–15 даража илиқ бўлади.
Умуман олганда, 14 ноябрь куни Ўзбекистон бўйлаб қуёшли ва ёқимли баҳорни эслатувчи об-ҳаво кутилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
