Ўзбекистоннинг 2025 йил январь–октябрь ойларига оид саноат кўрсаткичлари эълон қилинди. Миллий статистика қўмитаси маълумотига кўра, мамлакат корхоналари 10 ой давомида 865,8 триллион сўмлик маҳсулот ишлаб чиқарган — бу ўтган йилнинг шу даврига нисбатан 6,7 фоиз кўп.
Бироқ энергетика соҳасида пасайиш кузатилган. Табиий газ қазиб чиқариш 35,5 миллиард куб метрни ташкил этди — бу 2023 йилга нисбатан 3,5 миллиард, ўтган йилги 10 ойлик статистикадан эса 1,8 миллиард куб метрга кам.
Автомобиль бензини ишлаб чиқариш ҳам сезиларли қисқарган. Жорий йилда 974,7 минг тонна бензин тайёрланган — ўтган йилга қараганда 131,5 минг тоннага, 2024 йил 10 ойига нисбатан эса 118,7 тоннага кам.
Нефть қазиб олиш 547,3 минг тоннани ташкил этиб, бир йилда 54,7 минг тоннага пасайгани қайд этилган.
Шу билан бирга, дизель ва кўмир ишлаб чиқариш ўсишга эришди. Дизель ҳажми 978,1 минг тоннага етди (ўтган йил: 877,9 минг тонна). Кўмир эса 6,5 миллион тоннадан ошди.
Электр энергияси ишлаб чиқариш 3,8 фоизга кўтарилиб, 69,2 миллиард кВт/соатни ташкил этди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
