Ўзгидромет 26 ноябрь куни мамлакат бўйлаб кузатилиши мумкин бўлган об-ҳаво шароитларини маълум қилди. Кун давомида деярли барча ҳудудларда осмон очиқ, ҳеч қандай ёғингарчилик кутилмайди.
Тошкентда ҳаво ўзгарувчан, лекин хавотирли ҳолатлар йўқ — шамол шарқдан енгил эсади. Ҳарорат тунга бориб 3–5 даража илиқ, кундуз 15–17 даража атрофида бўлади.
Қорақалпоғистон ва Хоразмда ҳам осмон очиқ бўлиб, шамол бироз кучайиши мумкин. Кундуз ҳаво 12–17 даража илиқни ташкил этади.
Бухоро ва Навоийда шамол сал кучлироқ, аммо ҳаво илиқ — 15–20 даража. Тунги ҳарорат 0–5 даража атрофида.
Тошкент вилояти, Самарқанд, Сирдарё ва Жиззахда ҳам кутилаётган шароитлар бир хил — ёғингарчилик йўқ, кундуз 14–19 даражагача илиқ.
Қашқадарё ва Сурхондарёда кун илиқроқ — 15–20 даража. Тунги ҳарорат 2–7 даража бўлиши мумкин.
Фарғона водийсида баъзи жойларда туман тушиши эҳтимолдан ҳоли эмас. Кундуз 11–16 даража, тун 0–5 даража илиқ бўлади.
Тоғли ҳудудларда ҳам барқарор об-ҳаво кутилмоқда. Кун 10–15 даража, тун 0–5 даража атрофида бўлади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
