Ўзбекистонда нуфузли Ўзбек–Француз университети очилади

Президент қарорига мувофиқ, Ўзбекистонда янги — Ўзбек–Француз университети ташкил этилмоқда. Таълим муассасаси ўз ишини миллий қонунчилик ва Франция университетлари консорциуми тавсиялари асосида олиб боради.

Дастлаб магистратура йўналишлари очилади, кейин босқичма-босқич бакалавриат ва докторантура йўлга қўйилади. Абитуриентлар учун махсус тайёрлов курси ҳам жорий этилади.

Таълим давлат грантлари ва тўлов-контракт асосида амалга оширилади. Битирувчиларга Ўзбек–Француз университети дипломи ёки Францияда аккредитациядан ўтган дастурлар бўйича консорциумга кирувчи француз олийгоҳининг дипломи берилади.

Энг муҳими — ушбу дипломлар Ўзбекистон ҳудудида расман тан олинади.