Ўзбекистонда алимент тўловчилар учун муҳим янгилик қабул қилинди — энди улар суғурта полиси орқали уч ойгача чет элга чиқиши мумкин. Бу Президентга боғлиқ қарор эмас, балки Бош прокуратура, ИИВ ва ДХХнинг қўшма қарори билан амалдаги низомга киритилган ўзгаришдир.
Янги тартибга кўра, алимент мажбурияти бўлган шахс суғурта полисини илова қилган ҳолда давлат ижрочисига мурожаат этса, унинг хорижга чиқишига қўйилган вақтинчалик чеклов тўхтатиб турилади. Полис фақат лицензияга эга суғурталовчилар томонидан берилади ва унинг ҳақиқийлиги МИБ ахборот тизими орқали автоматик текширилади.
Суғурта механизмидан мақсад — қарздор чет элга чиқиб, қайтмай қолса ҳам, алимент тўловлари тўлиқ қопланишига кафолат яратиш. Фуқаролик жавобгарлигини суғурталаш шартлари суғурталовчи ва МИБ ўртасидаги бош келишувда белгиланади.
26 ноябрдан кучга кирган ушбу қоидага қадар чекловни вақтинча олиш фақат икки ҳолатда мумкин эди:
— даволaниш учун хорижга чиқиш зарур бўлганда;
— Президент, Вазирлар Маҳкамаси ёки парламент қарорига биноан расмий делегация таркибига киритилганда.
Меҳмон гуруҳидаги фойдаланувчилар ушбу мақолага изоҳ қолдира олмайди.
