30 ноябрда Яшнободда газ ўчади

Яшнобод туманидаги кўп қаватли уйларнинг бир қисмида табиий газ таъминоти вақтинча тўхтатилади. Бу ҳақда «Ҳудудгаз Пойтахт» ГТФ матбуот хизмати маълум қилди. Ушбу чора таъмирлаш ишларини амалга ошириш мақсадида кўрилмоқда.

Ўчириш қуйидаги вақт ва манзилда амалга оширилади:

• Сана: 30 ноябрь куни

• Вақт: соат 10:00 дан 18:30 га қадар

• Манзил: Яшнобод тумани, Махтумқули кўчасидаги кўп қаватли уйлар

Масъуллар таъмирлаш ишлари якунлангач, газ таъминоти қайта тикланишини билдирган ва юзага келган ноқулайликлар учун истеъмолчилардан узр сўраган.