Payme иловаси карталар орасидаги P2P ўтказмалар учун комиссия миқдорини яширин равишда ошириб, фойдаланувчилар орасида катта муҳокамаларни келтириб чиқарди. Илгариги 1 фоиз ўрнига энди 1,1 фоиз ечилаётgani аниқ бўлди. Қизиғи шундаки, payme.uz сайтида ҳамон эски — 1 фоизлик тариф ёзиб турибди.
Zamin.uz мухбири масалага ойдинлик киритиш учун Payme қўллаб-қувватлаш хизматидан маълумот олди. Ўзини Карина деб таништирган оператор комиссия ҳақиқатан ҳам 4 декабрдан ошганини тасдиқлади. Унинг таъкидига кўра, бу ўзгариш иловани янада такомиллаштириш мақсадида амалга оширилган.
Бироқ энг қизиқ нуқта — фойдаланувчиларга бу ҳақда ҳеч қандай хабар берилмагани. Оператор буни офера шартлари билан изоҳлаб, комиссия тўғрисидаги маълумот фақат транзакция вақтида кўрсатилишини қайд этди.
Шу билан бирга, айрим Telegram каналлари Payme ходимлари билан мулоқотда комиссия миқдори аслида икки ой аввалёқ оширилганини билдирган. Бу эса вазиятга янада кўпроқ саволларни қўшмоқда.
Payme томонидан расмий тушунтириш берилмагунча, фойдаланувчилар ўртасидаги норозилик ва муҳокамалар давом этмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
