Ўзбекистон Республикаси Президенти Шавкат Мирзиёев 18–20 декабрь кунлари Япония Бош вазири Санаэ Такаичининг таклифига биноан расмий ташриф билан Токиода бўлади. Сафар доирасида давлат раҳбари Япония Императори Нарухито, Бош вазир, парламент ва ҳукумат вакиллари, шунингдек, сиёсий ва академик доиралар раҳбарлари билан учрашувлар ўтказади.
Музокаралар марказида Ўзбекистон–Япония стратегик шериклигини янада мустаҳкамлаш, савдо-иқтисодий, инвестициявий ҳамда илмий-таълим соҳаларидаги ҳамкорликни кенгайтириш масалалари туради. Ишбилармонлик қисмида йирик япон компаниялари ва молия институтлари раҳбарлари билан учрашувлар ўтказилиб, қўшма лойиҳаларни амалга ошириш режалари муҳокама қилинади. Ташриф якунида қатор икки томонлама ҳужжатлар имзоланиши кутилмоқда.
Шунингдек, Президент Шавкат Мирзиёев “Марказий Осиё – Япония” форматидаги давлат раҳбарларининг илк саммитида иштирок этади. Саммитда “яшил иқтисодиёт”, барқарор тараққиёт, минтақавий ҳамкорлик ва инсон капиталини ривожлантириш каби муҳим йўналишлар муҳокама қилиниб, якунда Токио декларациясини қабул қилиш режалаштирилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
