Ўзбекистоннинг бир қатор вилоятларида туман ҳокимиятларида кадрлар ўзгариши юз берди. Маҳаллий халқ депутатлари кенгашлари қарорлари билан янги ҳокимлар тайинланди. Бу ҳақда podrobno.uz хабар беради.
Сирдарё вилояти Боёвут туманига Ниёз Ҳазратқулов ҳоким этиб тасдиқланди. 42 ёшли Ҳазратқулов тайинловга қадар Ширин шаҳри ҳокими лавозимида ишлаган. Эндиликда Ширин шаҳрига Дилфуза Камбарова раҳбарлик қилади. Боёвут тумани аввалги ҳокими Дилфуза Уралова эса бошқа ишга ўтгани муносабати билан лавозимидан озод этилди.
Наманган вилояти Уйчи туманига эса Музаффар Абдуллаев ҳоким этиб тайинланди. 41 ёшли Абдуллаев олий иқтисодий маълумотга эга бўлиб, бунгача вилоят иқтисодиёт ва молия бошқармаси бошлиғининг биринчи ўринбосари сифатида фаолият юритган. У лавозимдан озод қилинган Шуҳрат Мусаев ўрнини эгаллади; Мусаев туман кенгашидаги депутатлик ваколатидан ҳам маҳрум этилган.
Эслатиб ўтамиз, бугун Наманган вилоятининг Янги Наманган туманига ҳам янги раҳбар тайинланган — ҳокимликка Адҳам Карабаев келган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
